జాతకం

మూఢమలో  శుభ కార్యాలకు నిషిద్ధం
శుభ, అశుభ ఘడియలను గురు,శుక్రులపై ఆధారపడి నిర్ణయిస్తుంటారు లో శుక్రుడు తొందరగా ఆస్తమించడాన్ని శుక్రమూఢమగా పేర్కొంటారు. శుక్రుడు దర్శనమివ్వని సమయంలో శుభకార్యాలకుతగు బలం ఉండదు. శుక్రమౌఢ్యమ 2017 నవంబర్ 30 నుంచి ప్రారంభమై 2018 ఫిబ్రవరి 19తో నివృత్తి  జరుగుతుంది 

 

వాస్తు

వాయవ్యం వీధిపోటు 

ఉత్తర - పశ్చిమ దిశల మధ్య ఉన్న ప్రదేశాన్నే వాయవ్యంగా పరిగణిస్తారు. పశ్చిమ వాయవ్యం శుభాలను కలిగిస్తే,   ఉత్తర వాయవ్యం అశుభాలను కలిగిస్తుంది పశ్చిమ  వాయవ్యం  లాభాలను చేకూరుస్తూ  ఇంటి యజమాని నాయకత్వానికి అండగా నిలుస్తుంది. ఆ ఇంట అన్నీ సానుకూల ఫలితాలే . కలుగుతాయి. ఆ ఇంటి యజమానికి అన్నిశుభలే. కీర్తిని, ధనాన్ని ఆర్జిస్తాడు. పట్టిందల్లా బంగారం అవుతుంది. అందరి ఆమోదాన్ని పొంది రాజకీయాల్లో  రాణింపును పొందుతారు.
ఉత్తర వాయవ్యం వీధిపోటు గృహ యజమానులను వెదుక్కుంటూ సమస్యలు .ఆ కుటుంబంలో ఉన్న యుక్తవయస్కులకు పెళ్లి కుదరకపోవటం, కుదిరినా ఆటంకాలు కలుగుతాయి . అంతేకాకుండా ఇంటిలో నివసిస్తున్న  మహిళలు అనైతిక విషయాల పట్ల ఆకర్షితులు  అవుతారు. జాతకాలు కూడా తోడయితే ఇక  ఇబ్బందుల తీరు చెప్పనక్కరలేదు.  సమస్యలతో జీవితాన్ని గడపాల్సివస్తుంది.

 

నైరుతి వీధి పోటు

దక్షిణ - పశ్చిమ దిశలో ఉండే ప్రదేశం కొంత భాగం నైరుతి క్రిందకు వస్తుంది. ఈరెండు వైపులా వీధి ఎదురుగా ఉంటే అది నైరుతి వీధి పోటు అంటారు .  దక్షిణ నైరుతి వీధి పోటు ఉన్న గృహాలలో  నివశించే మహిళలఫై ఎక్కువగా ప్రభావం చూపుతుంది.. సిరులకు, మహిళలకు ఇది చేటు. ఆర్ధిక ఇబ్బందులు, అనారోగ్య సమస్యలకు గృహం ఆలవాలం అవుతుంది. ప్రతి అశుభాలకే దారి తీస్తుంది. దంపతుల మధ్య కలహాలు, ఆ ఇంట ఉండే స్త్రీలకు ఎప్పుడూ ఏదో ఒకరకమైన అనారోగ్యం ఉంటుంది . చిన్న పనితలపెట్టినా  అవాంతరాలు  ఎదురవుతాయి.
పశ్చిమ నైరుతిని  పరిశీలిస్తే మరిన్ని ఆసక్తి కలిగించే అంశాలు తేటతెల్లం అవుతాయి. పశ్చిమ నైరుతి పురుషులపై దుష్ప్రా భావం కలిగిస్తుంది ఆర్ధిక పరిస్థితి ఎప్పుడూ గందరగోళంగా ఉంటుంది. ఎంత కష్టపడినా ఆశించిన ప్రయోజనం మాత్రం ఉండదు.

ఆగ్నేయం వీధి పోటు  

తూర్పు ఆగ్నేయం  వీధి పోటు  అశుభం. దక్షిణ ఆగ్నేయం వీధి  పోటు శుభం. మరికొన్ని సందర్భాలలో  ముందుకు  వెనుకకు జరిగి ఇంటి నిర్మాణాలను చేయడం వల్ల  కూడా ఇలాంటి అనర్థాలు జరుగుతాయి.  ఆగ్నేయం అంటే అనర్దాలకు హేతువనే బలమైన వాదన కూడా ఉంది.ఐతే దక్షిణ ఆగ్నేయం వీధి పోటు ఉన్న గృహంలో   నివసించే  కుటుంబం తృప్తికరంగా, సుఖంగా జీవితాన్ని కొనసాగిస్తారు .   వీరు బంధువులను చక్కగా ఆదరిస్తారు. ఈ ఇంట తలపెట్టిన ఏ శుభకార్యమైనా నిర్విఘ్నంగా జరుగుతుంది. ఇంటికి తూర్పు వైపున ఉన్న ఆగ్నేయ వీధి పోటు అనేక సమస్యలు  మానసిక అశాంతికి హేతువు అవుతుంది , ఆదాయానికి మించిన ఖర్చులు, కుటుంబ సభ్యుల మధ్య తరచూ తగాదాలు జరుగుతుంటాయి. వీటివల్ల అనేక సమస్యలు ఉత్పన్నం అవుతాయి.ఇలా కొన్ని వీధి పోట్లు మంచివి కాగా మరికొన్ని చేడు ఫలితాలను కలిగిస్తాయని వాస్తు చెబుతోంది. ఏది ఏమైనా వాస్తవాలను తెలుసుకునేందుకు నిపుణుల సలహాలు తప్పనిసరి.

ఈశాన్య వీధిపోటు

వీధిపోటు అంటే ఏమిటి? ప్రచారంలో చెబుతున్నట్టు వీధిపోటుతో మంచి - చెడూ జరిగే అవకాశము ఉందా? వాస్తుశాస్త్రం ప్రకారం ఇంటికి ఎదురుగా నిలువుగా ఉన్నవీధి ఇంటివరకూ వచ్చి ఆగిపోయినా, లేదా ఏదోవైపుకు తిరిగినా దానిని వీధిపోటు అంటారు. వీధిపోటు అనే అపోహల మూలంగా నిరంతరం మానసిక అశాంతికి గురవుతున్నవారు లేకపోలేదు. తూర్పు వీధిపోటు విషయానికి వస్తే తూర్పు ఈశాన్యం , తూర్పు ఆగ్నేయం రెండు దిశలు కనిపిస్తాయి. ఇందులో ఈశాన్యం అన్ని విధాలా శ్రేయస్కరం. ఈశాన్య వీధిపోటు మంచి ఫలితానిస్తుంది. ఈశాన్య వీధిపోటు ఉన్న ఇంటిలోని పురుషులకు ఇంటా బయటా గౌరవం లభిస్తుంది. ఉన్నత  అధికారాన్ని పొందుతారు. ఆత్మవిశ్వాసంతో ముందుకు సాగి విజయ అవకాశాలు వేదుకుంటు వస్తాయి. తూర్పుతో పాటు ఉత్తరం ఈశాన్య వీధిపోటు కూడా మంచిదే. ఇలాంటి ఇంటిలో స్త్రీలు కూడా అన్నివిధాలా ఉత్తమ ఫలితాలు పొందుతారు.  చీకూ చింతా లేకుండా జీవితం గడిపే అవకాశాలు ఎక్కువగా ఉంటాయి. లక్ష్మీ అనుగ్రహాన్ని పొందుతారు. 

కట్టిన ఇల్లు కొంటున్నారా?

ఇల్లు కట్టి చూడు. అనేది నిన్నటి మాట. మారుతున్నపరిస్థితుల్లో కట్టిన ఇంటిని కొంటున్న సందర్భాలే ఎక్కువ. కట్టిన ఇంటిలో వాస్తు ఏమేరకు ఉందో ముందుగా తెలుసుకుని, ఇబ్బదులను అధిగమించేందుకు నివారణోపాయాలు తెలుసుకుని ఆచరిస్తే తగు మేలుజరుగుతుంది. ఇందుకోసం వీధిపోటు, ఇంటి ద్వారాలు వాటిదిశలు వాస్తు ప్రకారం ఉన్నాయా?, అదేవిధంగా ఇంటిలో నడక, పడక గదుల తీరు తెన్నులను అద్యయనఁ చేయాలి.

ముఖ్యంగా దిగువ పది అంశాలను గమనించండి.

1.  రోడ్డు దిశ

2. వీధిపోటు

3. ప్రధాన ద్వారం దిశ

4. పడకగది.

5. వంటగది.

6. ఇంటిలో నడక

7. పూజగది.

8. భోజనశాల .

9. ఇంటిలో పల్లం - నీటి వాటం

10. మరుగుదొడ్డి

వీటితోపాటు మరికొన్ని అంశాలను పరిశీలించాలి. కానీ తెలిసి తెలియక చేసేపనులవల్ల అనర్థాలు సంభవిస్తుంటాయి అని గమనించాలి

 వాస్తు ప్రభావము వల్ల  జాతకాలు కలిసి వస్తాయా?

వాస్తు ప్రభావము వల్ల  జాతకాలు కలిసి వస్తాయా? వీధిపోట్లు, ప్రధానగుమ్మం ప్రాధాన్యత ఎంతవరకు ఉంటుంది.  ఇంటీలో ఉండే గదులు, నడక ఎంతవరకు కలసి వస్తాయి, ఇలాంటి సందేహాలు కలుగడం సహజం.

కట్టిన ఇల్లు తీసుకున్నా, స్థలం కొని ఇల్లు కట్టుకున్నా సాంకేతిక  సమస్యలు తలెత్తుతాయి. ఇలాంటి సమయంలో నివారణోపాయాలు వెదుక్కోవడఁ తప్పనిసరి. ఇందుకోసం ముందుగా ఇంటి దిశలు అంటే దిక్కులు, వాటి అధిష్టాన దేవతల పనితీరు

అధ్యయనఁ చేయాలి.

ఈశాన్యం - ఈశ్వరుడు,
తూర్పు - ఇంద్రుడు ,
ఆగ్నేయము - అగ్ని,
దక్షిణము - యముడు

నైరుతి - పిత్రు (నీరుత్యా)

పడమర - వరుణుడు

వాయువ్యము - వాయువు

ఉత్తరము - కుబేరుడు

కేంద్రము - బ్రహ్మ

ఇంతేకాకుండా పంచభూతాలకు వాస్తు ప్రత్యక్షముగా పరోక్షంగా ప్రాముఖ్యతను ఇస్తుంది,
పంచభూతాలంటే ఆకాశం, భూమి, గాలి, నీరు, నిప్పు వీటికి ప్రాధాన్యతను ఇస్తూ ఇంటి నిర్మాణము, మార్పులు చేసుకోవాల్సి ఉంటుంది.

సందేహాలు 

వాస్తు - జాతకం రెండూ విభిన్న మైనవి.  కానీ ఎప్పుడో ఒకప్పుడు వీటి అవసరం అందరికీ తప్పనిసరి  కలుగుతుంది. ప్రాథమిక అవగాహన కలిగించడానికి ఎన్నో వెబ్ సైట్లు అందుబాటులో ఉన్నాయి . కానీ అవాసరానికి సరైన సమాచారం - సలహాలు లభించడం లేదు. అందుకోసమే ఈ ప్రయత్నం. అన్ని హంగులతో రూపుదిద్దు కుంటున్న ఈ  వెబ్ సైటు ఆవిష్కరణకు సిద్ధం అవుతొంది. అనుభవం ఉన్న జ్యోతిష పండితులు - వాస్తు నిపుణులు మీ సందేహాలకు ఆన్ లైన్లో సలహాలు ఇస్తారు. ఇందుకోసం  helpvastujatakam@gmail.com  మెయిల్ ద్వారా సంప్రదించండి.